وفاقی وزیر داخلہ محسن نقوی کی زیر صدارت گیلنٹری ایوارڈز سے متعلق خصوصی کمیٹی کا اجلاس ہوا، جس میں وطن عزیز کے لیے جان نچھاور کرنے والے شہدا اور شجاعت و بہادری کا مظاہرہ کرنے والے غازیوں کو سول ایوارڈز دینے کی منظوری دی گئی۔
وفاقی وزیر داخلہ محسن نقوی نے کہا کہ ملک و قوم کی خاطر جانوں کا نذرانہ پیش کرنے اور غیر معمولی شجاعت کا مظاہرہ کرنے والوں کی حوصلہ افزائی قومی ذمہ داری ہے۔
محسن نقوی کا مزید کہنا تھا کہ وطن عزیز شہدا اور غازیوں کی لازوال قربانیوں کا احسان مند ہے۔ شہدا اور غازیوں کی عظیم قربانیاں قوم کا سرمایہ ہیں۔
اجلاس میں وزیر مملکت برائے داخلہ طلال چوہدری، وفاقی سیکرٹری داخلہ، ڈی جی ایف آئی اے، ایڈیشنل سیکرٹری کابینہ اور متعلقہ حکام نے شرکت کی۔ علاوہ ازیں، چاروں صوبوں کے نمائندوں نے بھی بذریعہ زوم خصوصی کمیٹی کے اجلاس میں شرکت کی۔
Related posts:
عوام کے لیے بڑا جھٹکا: کراچی سمیت ملک بھر کے لیے بجلی مسلسل 3 ماہ کے لیے مہنگی ہونے کا امکان!
🤖 مریم نواز کا 2029 تک پنجاب کو جنوبی ایشیا کا سب سے زیادہ آرٹیفیشل انٹیلیجنس (AI) فعال صوبہ بنانے کا عزم
⚖️ حکومت کا بڑا قدم؛ عمران خان کو الشفاء اسپتال منتقل کرنے کا فیصلہ سپریم کورٹ میں چیلنج
🚨 فیلڈ مارشل عاصم منیر کل تہران کا دورہ کریں گے؛ ایرانی وزارت خارجہ کی تصدیق