🇮🇳 مودی کے ہندوتوا نظریے کے خلاف اندرونی بغاوت: ہندو انتہا پسند تنظیموں کا مکروہ چہرہ دنیا پر عیاں

نئی دہلی/ بین الاقوامی ڈیسک: بھارت میں ہندوتوا انتہا پسند تنظیموں کی بڑھتی ہوئی جارحانہ سرگرمیاں اب نہ صرف پڑوسی ممالک کے امن بلکہ خود بھارت کے اندرونی سماجی توازن اور اقلیتوں کے لیے بھی سنگین خطرہ بن چکی ہیں۔ مودی حکومت کی سرپرستی نے ان انتہا پسند عناصر کو دندناتے پھرنے کا پورا موقع فراہم کر رکھا ہے، تاہم اب اس کے خلاف اندرونی سطح پر بھی آوازیں اٹھنے لگی ہیں۔

📌 سابق آر ایس ایس رہنما کا بڑا انکشاف اور دہشت گردی قرار دینے کا مطالبہ

• بھارتی مؤقر جریدے ’دی وائر‘ کی ایک ہوشربا رپورٹ کے مطابق، بھارت میں ہونے والے ہولناک بم دھماکوں اور شرپسندانہ کارروائیوں میں آر ایس ایس (RSS) اور وشو ہندو پریشد (VHP) کے براہ راست کردار کے خلاف گہرا احتجاج شروع ہو گیا ہے۔
• سابق آر ایس ایس رہنما یشونت سہدیَو شندے نے کھل کر انکشاف کیا ہے کہ پاکستان سمیت مختلف مقامات پر ہونے والی شرپسند کارروائیوں کا پورا تربیتی نیٹ ورک آر ایس ایس کی براہ راست قیادت میں چلایا جا رہا ہے۔ انہوں نے پرزور مطالبہ کیا ہے کہ آر ایس ایس، وشو ہندو پریشد اور بجرنگ دل کو باضابطہ طور پر دہشت گرد تنظیمیں قرار دیا جائے۔

💣 بم سازی کی تربیت اور مسلم کش فسادات کی تاریخ

• رپورٹ کے مطابق، امن کے دشمن وی ایچ پی رہنما ملند پراندے کی نگرانی میں آر ایس ایس کے کارکنوں کو باقاعدہ طور پر بم بنانے کی تربیت دی جاتی ہے۔
• بھارتی سیاسی تجزیہ کار شمس الاسلام کا کہنا ہے کہ آر ایس ایس کی تمام تر پرتشدد سرگرمیوں کا بنیادی مقصد مسلمانوں کو منظم طریقے سے نشانہ بنانا اور بھارت میں ہندو مسلم کشیدگی کو ہوا دے کر سیاسی فوائد حاصل کرنا ہے۔

⚖️ سی بی آئی کے شواہد کے باوجود بی جے پی نواز عدالتوں کا کردار

• ’دی وائر‘ کے مطابق، مرکزی تحقیقاتی ادارے (CBI) کی جانب سے ہندوتوا تنظیموں کے خلاف واضح اور ناقابل تردید شواہد فراہم کیے جانے کے باوجود، بی جے پی نواز عدالتوں میں ان تنظیموں کے خلاف دائر مقدمات کو بریت پر ختم کر دیا جاتا ہے، جو عدالتی نظام پر ایک بڑا سوالیہ نشان ہے۔

🌐 اسرائیل سے خطرناک گٹھ جوڑ

• نامور بھارتی سیاسی تجزیہ کار راجو پارولیکر نے انکشاف کیا ہے کہ اسرائیل کے ساتھ گٹھ جوڑ کے باعث آر ایس ایس دنیا کی دیگر روایتی دہشت گرد تنظیموں کے مقابلے میں کہیں زیادہ خطرناک اور منظم شکل اختیار کر چکی ہے۔

#G24News #Hindutva #RSS #ModiGovernment #TheWire #IndiaNews #Extremism #G24NewsOnline